إلــى آلفــتاه آلـتي لم تـــعد صــغـــيرتي //

-عارفه بحبك قد ايه ؟؟

- عارفه ..

- مهما تتخيلي ولا عمرك هتعرفي .. ولا عمرك هتوصلي لأي إحساس صغير
جوايا .. بحبك ، بعشق تفاصيلك ، خلاص .. بقيت مجنون بيكي ..

- حبيبي ..

- هممم

- بتحب مين فينا ؟؟ بتحب العاقله ولا المجنونه ؟؟ ولا بتحب الثالثه دي .. التايهه ما بين الاتنين ؟؟

- بحبك .. ايوه ، بحبك انتي .. في كل حالاتك .. بحب تفاصيلك فيهم كلهم
.. ضحكتك .. تكشيرتك .. غيرتك .. رخامتك .. تهييسك .. حنيتك
.. طيبتك ، وقلمك ..!

- ياااااه ، كوووووول ده ؟؟

- كل ده ، وأكتر من كده كمان ، عارفه مشكلتك معايا ايه ؟

انك عمرك ما هتعرفي انا بحبك قد ايه .. عمرك ما هتتخيلي أنا بتكلم عنك قد ايه
.. عمرك ما هتقدري تعرفي يعني إيه راجل يحب .. عمرك ما هتحسي
بكسرة راجل بيحب واحده بتحب واحد غيره ، ويفضل مستنيها .. لإنه حاسس
انها بتاعته .. بتاعته هو بس .. ويفضل مستني وعنده أمل .. مش عارف
يبعد وينسي ولا يقرب عشان مش قادر يعيش من غير اكسجين حبها ..!

عمرك ما هتحسي هو كان بيحس بإيه لما بيكلمها ويسألها عليه
وهو بيتقطع من جواه ويفضل يداري ويخبي لمجرد انه بس يطمن عليها
.. ويرتاح عشان هي مبسوطه ..
عمرك ما هتحسي يعني إيه حلمك الجميل يبقي قدامك سنه ..
وأكتر من سنه ومش عارفه تطوليه ، وكل اللي ليكي حق فيه
انك تفرحي اوي بمجرد ما بتشوفي الحلم الجميل ده عمال يكبر قدام عينيكي ..

فضلت مستنيكي يا صغيرتي لحد ما تحررتي من قيود الاستعمار اللي
كان حارمني من دخول جنتك .. فضلت سنه بفكر .. خايف ، قلقان ومضطرب ..
خوفي الزايد ضيعك من بين ايديا مره .. خلي غيري يخطفك منني ، بس المره
دي مش هدي فرصه لحد انه ياخد منني الجوهره دي .. الجوهره اللي
قادره تخطف قلوب الناس بكل تفاصيلها ..

تعبت يا صغيرتي من التفكير والإنتظار .. وتعبت الناس من كتر كلامي عليكي ..
واتوجعت منك غصب عنك ..

- آسفه ، والله كل ما افتكر انا بتوجع اوي .. بحس انني وجعت نفسي قبل ما اوجعك ..
ظلمت نفسي قبل ما اظلمك ، اتخدعت بحاجات كتير خدتني منك يا حبيبي ..
حاجات كتير بندم عليها دلوقتي .. انا عارفه انني كنت وحشه اوي :'(

- لأ ، اوعي تقولي كده .. أنا عمري ما شفتك وحشه .. بالعكس ، دايما عينيا بتشوف
فيكي صورة الإنسانه اللي نفسي اديها عمري .. كنت كل يوم بحبك
فيه أكتر من اليوم اللي قبله .. كل يوم بحترمك أكتر وبعرفك أكتر ..

- بحبك .. اوي .. اوووي ..

- وأنا بعشقك يا صغيرتي ..

- أنا زعلانه من نفسي اوي .. كان نفسي أوفر علينا حاجات كتير اوي .. كان نفسي ...

( فجأه تجد يداه تغلق فمها لتمنعها عن الكلام )

ينظر إليها ثم يقول :

- كفايه كلام عن زمان .. خلينا في دلوقتي ، مش مهم اللي فات .. المهم ان
ربنا عوض صبري .. وانك معايا .. وانني بحبك ..

-" نظره عميقه " ... عارف يا حبيبي ، أنا .. أنا مهما اتكلمت مش هعرف أوصفلك
اللي جوايا .. أنا مش بحبك بس .. أنا حاسه انني لقيت كل اللي بتمناه ..
حاسه براحه نفسيه غريبه مش بلاقيها غير معاك ..
أنا .. أنا عايزه أبقي مراتك !

- " نظر إليها نظره مليئه بالسعاده والرضا " .. ثم مسك يدها برفق .. وقبلها ..

- " ابتسمت ".. ثم قالت : ايه ؟ سكت ليه يا حبيبي ؟

- تفتكري بعد اللي قلتيه ده أنا ممكن أقول حاجه !؟

وأنا عايزك تبقي مراتي يا ..
لأ لأ .. المره دي مش هقول " صغيرتي " .. أنا هقول حبيبتي ، ماهي البنوته
الصغيره أم ضفاير كبرت وبقت بنت كبيره .. عاقله .. ناضجه .. مجنونه .. و زي القمر !

مع تحياتى
ماتركسسسسسس
قلب مجرووووووووووووح
MATRIX19902000@YAHOO.COM

» إلــى آلفــتاه آلـتي لم تـــعد صــغـــيرتي //